Outros cursos (137)
Admisión o grao básico de formación profesional
A formación profesional de grao básico forma parte das ensinanzas de formación profesional do sistema educativo. Ordénase en ciclos formativos organizados en ámbitos e módulos profesionais de duración variable.
Os ciclos formativos de formación profesional de grao básico teñen unha duración de 2000 horas ou 2 cursos académicos.Na modalidade de Fp dúal ata 3 cursos
Estas ensinanzas responden a un perfil profesional que inclúe ao menos unha cualificación profesional completa de nivel 1 do Catálogo Nacional de Cualificacións Profesionais
Superando un ciclo de FP básica obtense o título de técnico básico correspondente ás ensinanzas cursadas.
Adicionalmente, obterán o título de graduado en educación secundaria obrigatoria.
Requisitos de acceso:
- Ser proposto/a polo equipo docente
- Consentimento do pai, da nai ou dos/das titores/as legais
- Ter feitos quince anos ou facelos durante o ano natural en curso
- Ter cursado o terceiro curso de educación secundaria obrigatoria ou, excepcionalmente, ter cursado o segundo curso
- -En caso de sobrar prazas:
- Que fagan 18, 19 ou 20 anos no ano de inicio do ciclo formativo
- Que non estean en posesión dun título de formación profesional ou calquera outro título que acredite a finalización de estudos secundarios completos
Prazo de solicitudes:27 de Xuño as 9 horas ao 6 de xullo ás 13 horas
Máis información: http://www.edu.xunta.gal/fp/fpbasica#un
Admisión FP Dual
Que é a FP dual?
É unha modalidade de formación profesional que ten como finalidade a cualificación profesional das persoas nun réxime de alternancia de actividade laboral nunha empresa coa actividade formativa nun centro educativo.
- Ter 18 anos ou facelos no ano natural en que comece o ciclo formativo.
- Cumprir os requisitos de acceso aos ciclos formativos establecidos no artigo 41 da Lei orgánica 2/2006, do 3 de maio, de educación, e que se detallan no modelo de solicitude, no anexo I. Lémbrase que non é de aplicación o límite superior de idade que figura no anexo.
- Carecer da cualificación profesional obtida e recoñecida polo sistema de formación para o emprego ou do sistema educativo, requirida para concertar un contrato en prácticas para o posto de traballo ou a ocupación obxecto do proxecto.
- Non ter realizado con anterioridade un contrato de formación e aprendizaxe, e cumprir os requisitos establecidos na normativa laboral vixente para poder efectualo.
- Non ter superado ningún módulo profesional do ciclo formativo do proxecto solicitado, agás que fose cursando outro ciclo formativo.
- -O calendario de admisión para este curso é do 23 de Xuño ao 5 de xullo ás 13 horas
- Máis información :https://www.edu.xunta.gal/fp/admision-fpdual
Nova edición: E se traballamos en equipo?
Espazocoop a través da Rede Eusumo organiza a seguinte actividade formativa: E se traballamos en equipo?
Datas: do 14 ao 30 de xuño
Horario: dúas sesións virtuais de aprendizaxe os días 14 e 28 de xuño en horario de 11:00 a 12:30 horas.
Duración: 20 horas
Modalidades: en liña a través da plataforma de teleformación
Destinatarios: persoas socias e/ou asalariadas de cooperativas e outras empresas da economía social, a persoas que estean desenvolvendo un proxecto de emprendemento en cooperativa, a persoas interesadas en formar parte de empresas participativas e a todas as persoas interesadas na aprendizaxe práctica das habilidades para o traballo en equipo.
Obxectivos:
Desenvolver as habilidades persoais claves no traballo colaborativo.
Coñecer recursos e metodoloxías que nos axudan a traballar e mellorar as habilidades sociais.
Descubrir e aplicar as habilidades persoais nun contorno cooperativo.
Programa:
Módulo 1: Achegándonos ao xeito de traballar nunha cooperativa. Habilidades persoais e sociais
Módulo 2: Habilidades de comunicación
Módulo 3: Habilidades para o traballo en equipo
Módulo 4: Toma de decisións
Inscricións gratuíta a través do seguinte formulario
Para máis información: patane@espazo.coop / 881 887 456 / eusumo.gal
Ideas Cooperativas en Acción
Espazocoop a través da Rede Eusumo organiza a seguinte actividade formativa: Ideas Cooperativas en Acción
Datas: do 14 ao 30 de xuño de 2022
Horario: dúas sesións virtuais de aprendizaxe os días 14 e 28 de xuño en horario de 11:00 a 12:30 horas
Modalidade: en liña a través da plataforma de teleformación
Duración: 20 horas
Destinatarios: persoas emprendedoras, persoas ocupadas ou en situación de desemprego, persoas cunha idea de negocio, persoas que forman parte dun grupo promotor de autoemprego colectivo. A inscrición é gratuíta.
Obxectivos:
- Mostrar desde o punto de vista práctico as condicións e pasos a dar para emprender baixo a fórmula cooperativa.
- Coñecer que debemos analizar e ter en conta para facer da nosa idea un proxecto cooperativo viable.
- Elaborar conxuntamente o prototipo do noso proxecto.
- Avaliar requisitos e compromisos como grupo promotor, tarefas a desenvolver, calendario de actuacións.
Programa formativo:
Tema 1 - Identifica o teu proxecto cooperativo (CANVAS)
Tema 2 - Analiza as áreas comercial e de mercado.
Tema 3 - Estudia a viabilidade económica e financeira
Tema 4 - Planifica a área organizativa e os trámites de constitución (CONSOLIDA_ES)
Máis información e inscricións: eusumo.gal
Talleres de Emprendemento xuvenil
A Fundación Acción Contra a Fame convoca dous cursos formativos dentro do seu Programa de emprendemento xuvenil dirixido a persoas mozas desempregadas.
.- Prototipado (Do 13 ao 17 de xuño)
.- Comunicación e Marketing (Do 20 ao 23 de xuño)
A formación é gratuíta, en liña e en horario de 10 a 13 horas.
Máis información en www.vivesemprende.org
Galicia Nova Emprende'21
Acción Laboral convoca Galicia Nova Emprende'21, incluído no Programa de Itinerarios de Emprendemento Xuvenil da Fundación INCYDE. Cofinanciado polo Fondo Social Europeo. Dirixido a mozos e mozas menores de 30 anos, que necesiten apoio para o emprendemento e para a súa incorporación no mercado laboral.
Programa gratuíto e personalizado segundo as necesidades do mozo ou moza:
- Grupos de mañá e tarde.
- Formación intensiva acreditada.
- Con compromiso de inserción.
Contidos:
- Elaboración dun informe personalizado para cada persoa nova participante.
- Formación presencial grupal e individual.
- Orientación laboral personalizada para a procura de emprego e desenvolvemento da túa propia idea de negocio.
- Asesoramento personalizado para elaborar o Plan de Negocio.
- Sesións individuais de mentoring e networking.
Requisitos: Ter entre 16 e 30 anos e estar rexistrado no Sistema Nacional de Garantía Xuvenil.
Máis Información
Teléfonos 986 090 146 e 653 750 950
Correo electrónico: stajuelo.vg@accionlaboral.com
YoEmprendo Galicia
Programa de emprego e autoemprego para mozos e mozas menores de 30 anos co cal se pretende:
- Mellorar a empregabilidade: Descobre novas formas de converterte no candidato ideal para as empresas. Se estás a buscar traballo por conta allea aprende a diferenciarte e crear a túa marca persoal.
- Poñer en marcha o teu negocio: Aprenderás novas técnicas para validar o teu modelo de negocio, captar clientes, xerar vendas...e ademais acompañado en todo o proceso por expertos en activo.
DESTINATARIOS/AS
- Mozos e mozas maiores de 16 anos e menores de 30 anos das provincias de Pontevedra e Ourense.
- Que se atopen en situación de desemprego.
- Rexistrados no Sistema Nacional de Garantía Xuvenil.
QUE IMOS A FACER?
- Formación teórica-práctica (50 horas): Nas sesións deste curso trataranse temas como o método Canvas, a metodoloxía Dessing Thinking (como innovar en proxectos empresariais), introdución ao plan de empresa, a estrutura organizativa, o investimento, o test de mercado e a estratexia de márketing.
- Titorías individuais (10 horas): Traballaremos individualmente segundo o teu perfil e as túas necesidades, centrándonos tanto na túa idea de negocio e creación do plan de empresa, como na creación dun plan de acción para a mellora da túa empregabilidade e incrementar as túas oportunidades de acceder ao mercado laboral por conta allea.
- Mentoring (20 horas): No que traballarás conxuntamente con mentores expertos que che guiarán no deseño dun plan de acción para mellorar a túa inserción laboral, ou no desenvolvemento da túa iniciativa emprendedora e a viabilidade do teu proxecto empresarial.
Máis información e prescrición: Formulario
Datos de contacto: 988 39 15 15 - 665 76 19 39
Correo electrónico: yoemprendogalicia@empleoenred.org
Actividades na Casa Xohana Torres
Programación do mes de maio na Casa Xohana Torres.
A Casa Xohana Torres é un lugar de encontro no que tecer redes entre mulleres, colectivos e entidades que loitan en prol da igualdade.
Máis información:
https://cimcompostela.gal/casaxohanatorres/
Correo electrónico: casaxt@santiagodecompostela.gal
Teléfono: 608 710 978
Curso Loxistica e stock de almacén
Cristina Filgueira Fernández
Responsable de Programa Operativo de Garantía Juvenil:
Proyecto Activación, orientación y acompañamiento a la inserción para jóvenes de garantía juvenil
Proyecto Segundas oportunidades para la formación y el aprendizaje
| +34 981 58 69 69 Ext. 38694
| Santiago de Compostela. Av/ de Lugo, 42. 15707.
Formacion na Academia Fundación Esplai
A Fundación Esplai na súa aposta pola mellora e adquisición de competencias dixitais das persoas pon en marcha 5 cursos totalmente gratuítos e dirixidos a todas as persoas que queiran mellorar as súas competencias dixitais, aprender a crear actividades de ciencia e tecnoloxía con perspectiva de xénero, formarse en prevención de condutas de risco no uso das TIC.
O período de inscrición estará aberto do 27 de abril ao 15 de maio de 2022. Os cursos comezarán o 23 de maio de 2022.
É unha oportunidade para formarse, reciclarse e mellorar as competencias dixitais. A través destas capacitacións obtense acceso a contidos de calidade, aténdense as necesidades de formación inicial e continua dos profesionais do terceiro sector e persoas interesadas en seguir mellorando as súas competencias profesionais e ponse ao seu alcance as competencias, metodoloxías, proxectos, estratexias e recursos que lle han de axudar a desenvolver mellores e máis eficaces mecanismos de motivación e apropiación das tecnoloxías da información e a comunicación.
Se tes algunha dúbida ou consulta podes escribir a anardiz@fundacionesplai.org
Cursos ofertados:
- ChicasInTech actividades en prol da igualdade.
- Participación cidadá e transformación social a través do voluntariado.
- Prevención de adicción e condutas de risco relacionadas coas TIC en poboación infanto-xuvenil.
- Mocidade Contra o Odio.
- Curso de Monitor/a TIC.
Información completa e inscricións: Fundación Esplai