Outros cursos (145)
Xornada 'Inclusión e deporte'
Xornada 'Inclusión e deporte'
A Facultade de Educación e Traballo Social do campus de Ourense acolle a xornada Inclusión e deporte. O deporte como clave para intervir socialmente.
Nela, cinco estudantes deste centro, educadoras sociais, exporán boas prácticas desenvolvidas no eido da temática da xornada en diferentes entidades, como o Club Ximnasia Pavillón, o Club Ourense Baloncesto ou a asociación Auce.
Tamén haberá obradoiros práctivos relacionados con aspectos como o manexo e comunicación coas familias ou coa xestión de grupos. Trátase dunha actividade aberta ás persoas interesadas e de balde.
Data de celebración: 2 de maio ás 10:00
Dirixido a:Entidades Colaboradoras , Estudantes , Medios , PAS , PDI e Público externo
Organiza: Facultade de Educación e Traballo Social
Lugar:
Edificio de Ferro
Campus As Lagoas
32004 Ourense
Máis información:
www.uvigo.gal
Seminario 'Cruzando camiños na oncoloxía. Cancro animal e humano dende a perspectiva One Health'
Seminario 'Cruzando camiños na oncoloxía. Cancro animal e humano dende a perspectiva One Health'
A catedrática de Anatomía Patolóxica Veterinaria Laura Peña Fernández, considerada unha das maiores expertas internacionais en cancro de mama nas especies canina e felina, imparte o vindeiro 7 de maio, a partir das 18.00 horas, no centro universitario lugués, o seminario ‘Camiños na oncoloxía. Cancro animal e humano desde a perspectiva One Health'.
Esta acción coordinada pola profesora Maribel Quiroga e incluída no plan de formación complementaria do Campus Terra, está orientada á participación de alumnado de grao e mestrado.
A inscrición xa está aberta en liña.
A celebración deste seminario encádrase no marco do proxecto de aprendizaxe e servizo ‘OncoVet-Sapiens: descubrindo a oncoloxía veterinaria en YouTube’, que pretende “democratizar” a información e facela accesible e comprensible para estudantes, titores de animais, investigadores, profesionais veterinarios e público xeral, a través dunha canle aberta de Youtube.
O seminario, aberto ao público interesado e para o que se ofrecen 80 prazas, busca destacar a importancia da oncoloxía veterinaria en medicina animal e humana, ao tempo que trata de dar a coñecer a canle de YouTube xa activa.
Máis información:
www.usc.gal
Cursos FEMXA-Xunta de Galicia
Programa formativo `Muller, a Cooperativa é para Ti´
Programa formativo `Muller, a Cooperativa é para Ti´
A Unión de Cooperativas EspazoCoop impulsa o programa formativo "Muller, A Cooperativa é para Ti", consta de cursos de teleformación, gratuítos, para mulleres, que se imparten na Aula Virtual de EspazoCoop.
-Habilidades e competencias para o traballo en equipo nas cooperativas
25 h. Teleformación. Do 25 de abril ao 12 de abril de 2024
-Desenvolvendo a idea cooperativa
25 h. Teleformación. Do 13 ao 29 de maio de 2024
A fórmula cooperativa é unha eficaz ferramenta para conseguir a integración e a igualdade no mundo laboral para as mulleres, en condicións dignas e estables, e con amplas posibilidades de desenvolvemento profesional.
Son empresas de base democrática, asemblearia, e participativa, na que se poden dar xeitos para a conciliación persoal, e exercer a cogobernanza xunto a máis persoas e socias.
Información e inscricións:
https://espazo.coop/rede-eusumo/programa-muller-a-cooperativa-e-para-ti
Obradoiro de Percusión Tradicional e utilidades educativas no Campus de Lugo.
A Facultade de Formación do Profesorado do Campus de Lugo da USC organiza un obradoiro de percusión tradicional e utilidades educativas que se desenvolverán os días 23 e 30 de abril, en quenda de 10.00 a 12.00 horas, así como os días 6 e 13 de maio, en horario de 16.00 a 18.00 horas.
A musicoterapeuta, e educadora en igualdade Ana Fernández será a encargada de impartir as sesión presenciais deste obradoiro na Aula de Música de Formación do Profesorado.
A inscrición nesta activade socioeducativa é libre pode formalizarse de xeito gratuíto ata o 19 de abril través do formulario dispoñible en liña. As prazas son limitadas.
O obradoiro de percusión tradicional é unha actividade gratuíta aberta á participación de toda a comunidade universitaria da USC.
Estruturado en oito horas, as persoas inscritas poderán abordar da man de Ana Fernández os principais patróns rítmicos típicos da música tradicional galega, xa a través da utilización de instrumentos propios da nosa cultura musical (pandeiretas, pandeiros, tarrañolas…) xa con elementos cotiás (culleres, latas grandes, conchas de vieira, botella de anís...), desde unha perspectiva educativa e de xénero.
Esta actividade servirá asemade para poñer en valor a presenza feminina na tradición musical popular galega e tamén as posibilidades que esta tradición posúe para o ámbito da educación.
Máis información:
www.usc.gal
Conferencias 'Violencia sexual e xénero'
A violencia sexual e xénero centra un ciclo de conferencias que terá lugar os días 18 e 30 de abril e o 2 de maio na Facultade de Educación e Traballo Social do campus de Ourense.
Nelas abordaranse temas como este fenómenos na adolescencia ou os instrumentos para a súa avaliación.
Datas e horario:
Xoves 18 de abril de 2024. De 11.30 a 13.45 h
Martes 30 de abril de 2024. De 16.00 a 16.45 h
Xoves 2 de maio de 2024. De 10.00 a 10.45 h
Dirixido a:Entidades Colaboradoras , Estudantes , Medios , PAS , PDI e Público externo
Lugar:
Na sala Emilia Pardo Bazán
Edificio de Ferro
Campus As Lagoas, Edificio de Ferro
32004 Ourense
España
Máis información:
www.uvigo.gal
Creación de novas con móbiles
A xornalista dos Servizos Informativos de RTVE Montserrat Rigall, experta en xornalismo móbil (mobile journalism –MoJo–, en inglés), e especialista en intelixencia artificial, impartirá un curso na Facultade de Ciencias da Comunicación da Universidade de Santiago de Compostela os próximos días 29 e 30 de abril. Nestas xornadas afondará na creación de noticias con dispositivos móbiles e en diferentes ferramentas e aplicacións para optimizar e posibilitar esta nova práctica profesional.
A iniciativa, organizada pola Cátedra RTVE-USC, o proxecto Valcomm, o grupo Novos Medios, o grupo de innovación docente IDESVIR e a Cátedra CIRCOM, será gratuíta para as 20 persoas participantes, que recibirán un certificado de participación. As persoas candidatas deberán ser graduadas en xornalismo e serán seleccionadas por orde de inscrición. Así mesmo, deberán acudir ás sesións con smartphones con cámara integrada e conexión a Internet. Con todo, as persoas asistentes poderán empregar libremente calquera ferramenta que mellore a calidade da gravación, como trípodes, estabilizadores de imaxe ou micrófonos de solapa adaptados a móbiles.
https://novosmedios.gal/2024/04/08/montserrat-rigall-curso-mobile-journalism/
Curso de Iniciación a Docker na USC
Curso de Iniciación a Docker na USC
O Campus Terra da USC achega formación sobre as prestacións do programa Docker a estudantado universitario, así como a docentes e investigadores e axentes do sector produtivo, a través dun curso coordinado pola Escola Politécnica Superior de Enxeñaría e cuxas sesións presenciais se desenvolverán na EPSE os días 22, 24 e 25 de abril.
As sesións virtuais deste programa serán os días 29, 30 de abril e 2 e 6 de maio.
O curso de iniciación a Docker, para o que xa está aberto o prazo de inscrición en liña, afonda nas tecnoloxías de contedores e a súa importancia para integralas no proceso de administración de sistemas.
O curso presentado é eminentemente práctico, de xeito que o alumando adquira as destrezas necesarias para trasladar os coñecementos aos seus proxectos software.
Os/as destinatarios/as tamén poden ser o colectivo de profesores/as de materias STEM de ensino secundario que poidan atopar soporte para a mellora da súas actividades docentes nas materias de Tecnoloxía.
Máis información:
Escola Politécnica Superior de Enxeñaría
Rúa Benigno Ledo, 27002
Lugo
982823008/982823011
eps.secretaria.direccion@usc.gal
Cursos de formación online en Santander Open Academy
Cursos de formación online en Santander Open Academy
A Open Academy Santander convoca unha selección de cursos, sen límite de prazas.
En Santander Open Academy axudamos a mellorar a empregabilidade e as competencias profesionais a través da formación ao longo da vida, ofrecendo cursos 100% subvencionados, contidos de calidade gratuítos e bolsas con universidades e institucións líderes de todo o mundo.
Todas as convocatorias están dispoñibles na nosa plataforma global en liña.
Máis información:
www.santander.comn/becas-santander
www.santanderopenacademy.com